SC Gjilani transferon Arbër Prekazin
SC Gjilani transferon Arbër Prekazin
14.07.2021 | 05:01
Arbër Prekazi është futbollisti më i ri i SC Gjilanit.

Mbrojtësi me përvojë të madhe në futbollin kosovar tanimë edhe zyrtarisht i është bashkuar skuadrës kuqebardh.

Ka qenë faqja zyrtare e SC Gjilanit që nëpërmjet një video ka zyrtarizuar ardhjen e Prekazit në Gjilan.

Lojtari do të vazhdoj t’i mbetet besnik numrit 33 edhe te Gjilani, numër që e kishte bartur edhe në skuadrat e mëparshme ku ka luajtur.

Vlen të theksohet se Gjilani ka paguar një dëmshpërblim te Ballkani, skuadër me të cilën Prekazi kishte kontratë edhe për një vit.