Pse ju shfaqen të përziera gjatë vozitjes?
Pse ju shfaqen të përziera gjatë vozitjes?
24.01.2023 | 04:49
Disa njerëz, kur udhëtojnë, madje edhe gjatë një udhëtimi të shkurtër, përjetojnë simptoma të të përzierave dhe marramendje të shoqëruara nga shtytja për të vjellë.

Ekspertët u përpoqën të gjejnë shkaktarin për të përzierat gjatë vozitjes.

Kinetoza – sëmundje e lëvizjes

Të përzierat gjatë vozitjes quhen edhe kinetozë, përkatësisht sëmundje e lëvizjes, dhe definohet si përshtatje e keqe e organizmit në lëvizje.


Kjo ndodh kur tre pjesë të trupit tonë ndjejnë lëvizjen – sytë, veshi i brendshëm dhe nervat ndijor që dërgojnë sinjale në tru.

Ndërsa sytë tanë na lejojnë të shohim se jemi duke lëvizur, nervat në muskujt dhe ekstremitetet tona gjithashtu na lejojnë të ndiejmë lëvizjen. Gjatë kësaj kohe, veshi i brendshëm na lejon të perceptojmë lëvizjen.

Sëmundja e lëvizjes ndodh kur vetëm një nga këto shqisa, zakonisht veshi i brendshëm, ndjen lëvizjen dhe të tjerat jo.